Yomg‘ir oqibatida Dog‘istonning Maxachqal’aning bir qancha ko‘chalari suv ostida qoldi. Shaharda yog‘ingarchilik hali to‘xtagani yo‘q, deb yozadi “Moskva24”.

Qayd etilishicha, ayni paytda Akushinskiy, Buynakskiy, Daxadaev, Korkmasov va Beybulatov ko‘chalarida katta miqdorda suv oqimi kuzatilmoqda.

Shahar ma’muriyatining ta’kidlashicha, kommunal xizmatlar allaqachon yomon ob-havo oqibatlarini bartaraf etishga kirishgan. Hozirgi vaqtda yomg‘ir drenaji tozalanmoqda.

O‘z navbatida, Favqulodda vaziyatlar vazirligining viloyat shtabi Dog‘istonda noqulay ob-havo sharoitida avtomobillar, gaz quvurlari va elektr uzatish liniyalarining shikastlanishi qayd etilgani haqida xabar bergan. Beshta aholi punktida gaz ta’minoti uzilgan.

• Dog‘iston
• yomg‘ir