Yaponiyaning “Iwaya Giken” kompaniyasi yangi diqqatga sazovor makon – 25 kilometr balandlikka individual turistik sayohatlarni e’lon qildi. Garchi u hali barcha uchun ochiq bo‘lmasa-da, u hali ham reaktiv samolyot parvozidan yuqori va Yerning qora osmon ostida egilganini ko‘rish uchun yetarli bo‘ladi.

Sayyohlik kapsulasi shaffof old yuzasiga ega, diametri 1,5 metr bo‘lgan barrelga o‘xshaydi. U geliy shari yordamida osmonga ko‘tariladi.

Aslida kompaniya stratosferaga uchishga mo‘ljallangan mashinalarni ishlab chiqarmaydi. Kapsula ikki qavatli bo‘lib va bitta o‘rindiq uchuvchi uchun mo‘ljallangan.

Ko‘tarilish ikki soatgacha davom etadi. Sayyohlar balandlikka ko‘tarilish uchun taxminan 60 daqiqa vaqt sarflaydi, keyin esa bir soat davomida osmon uzra harakatlanish mumkin.

“Bu odamlar uchun tejamkor va xavfsiz. Maqsad - kosmik turizmni hamma uchun ochiq qilish”, – deydi “Iwaya Giken” kompaniyasi bosh direktori Keysuke Ivaya.

Kosmosga “hamyonbop” parvoz 24 million yenga (taxminan 2 mlrd so‘m) baholanmoqda. Kompaniyaning xizmat ommabopligi oshgani sayin narx ham pasayishini ma’lum qilingan.

Stratosferaga sahat amalga oshirishni istovchi har kim “kosmik sayohat” uchun onlayn ariza topshirishi mumkin. Tanlovning birinchi bosqichi g‘oliblari oktyabr oyida e’lon qilinadi. Ular ushbu xizmatdan 2023-yil oxirigacha foydalanishlari mumkin. Parvozlar Yaponiyadan amalga oshiriladi.

Eslatib o‘tish mumkin, koinotning aniq chegarasi hali ham mavjud emas. Masalan, AQSHda astronomlar tomonidan 80 kilometr balandlikkacha ko‘tarilish mumkinligi aytilsa, Xalqaro aviasiya federasiyasi va NASA’da ushbu o‘lchov masofasi 100 kilometrni tashkil etadi (Karman liniyasi).

• Olimlar
• Stratosfera
• Yaponiya
• sayohat