Bugun, 6-dekabr kuni O‘zbekistonda zilzila sodir bo‘ldi. Bu haqda Seysmoprognostik monitoring markazi xabar berdi.

Zilzila tonggi soat 02:14 da sodir bo‘lgan. Epimarkaz hududida tebranish kuchi 5 ball, zilzila magnitudasi 4,5, chuqurligi esa 17 km.ni tashkil etgan. Zilzila epimarkazi Namangan viloyati Pop tumani hududida joylashgan bo‘lib, u Toshkentdan 135 km janubiy-sharqda joylashgan. Koordinatalari: 40,89 daraja shimoliy kenglik, 70,75 daraja sharqiy uzunlik.

O‘zbekiston hududlarida sezilish kuchi quyidagicha qayd etilgan:

Namangan viloyatida — 3 ball (77 km);

Farg‘ona viloyatida — 2–3 ball (104 km);

Andijon viloyatida — 2 ball (129 km);

Toshkent shahrida — 2 ball (135 km);

Sirdaryo viloyatida — 2 ball (173 km).

• Namangan
• O‘zbekiston
• Zilzila