Yaponiyaning Sukuba universiteti olimlari miya faoliyatini ragʻbatlantiruvchi oddiy va samarali usulni aniqladilar. Mutaxassislar tomonidan oʻtkazilgan tadqiqot xulosalari "Scientific Reports" jurnalida chop etilgan.
Tadqiqotchilarning aniqlashlaricha, yugurish mashqlari yordamida miyaning faolroq ishlashiga erishish mumkin, shuningdek u kayfiyatni yaxshilashga ham yordam beradi. Buning uchun kuniga 10 daqiqa yugurish kifoya.
Olimlar tomonidan oʻtkazilgan tadqiqotda avvallari hech qachon yugurish bilan shugʻullanmagan 26 nafar koʻngilli ishtirok etgan. Tadqiqot ishtirokchilari ikkita guruhga boʻlingan. Ulardan biri kuniga 10 daqiqadan yugurish bilan shugʻullangan, ikkinchi guruh esa shunchaki nazorat ostida boʻlgan. Har ikki guruh aʼzolarining kayfiyatlari va oʻzlarini qanday his qilayotganlari doimiy ravishda tekshirib turilgan.
Tadqiqot natijasida qisqa muddatli yugurish mashqlaridan keyin miyaning prefrontal qobigʻiga qon oqimining tezroq yetib borishi aniqlangan. Miyaning ushbu qismi qarorlar qabul qilish, maqsadlar ustida ishlash va boshqa turdagi kognitiv funksiyalar uchun javob beradi. Bundan tashqari, har kuni 10 daqiqadan yugurgan odamlarning kayfiyati odatdagiga nisbatan koʻtarilgani qayd etilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!