Kecha, 23-oktyabr kuni futbol bo‘yicha Yevropa chempionlar ligasining 3-turidan o‘rin olgan bir qator uchrashuvlar bo‘lib o‘tdi.

Turning markaziy o‘yinida “Barselona” o‘z uyida “Bavariya”ni qabul qildi. Uchrashuvning ilk daqiqasidayoq Rafinya hisobni ochdi. 18-daqiqada Harri Keyn hisobni tenglashtirdi. 36-daqiqada Levandovski kataloniyaliklarning ikkinchi goliga mualliflik qildi. Bo‘lim oxirida esa Rafinya dublni rasmiylashtirdi.

Ikkinchi bo‘limda ham “ko‘k-anorranglilar” faollik ko‘rsatdi. 56-daqiqada kelib, Rafinya het-trik qayd etdi.

Qolgan daqiqalarda darvozalar ishg‘ol etilmadi va kataloniyaliklar yirik hisobda g‘alaba qozondi.

Shuningdek, “Manchester Siti” “Sparta”ni 5:0 hisobida tor-mor etdi. Uchrashuvda Erling Holand dubl qayd etdi.

“Liverpul” esa safarda “Leypsig”ni 1:0 hisobida zafar quchdi. Uchrashuvdagi yagona gol 27-daqiqada Darvin Nunyez tomonidan kiritildi.

Kecha bo‘lib o‘tgan uchrashuvlarda qayd etilgan natijalar:

“Atalanta” — “Seltik” 0:0;

“Brest” — “Bayer” 1:1;

“Barselona” — “Bavariya” 4:1;

“Leypsig” — “Liverpul” 0:1;

“Man Siti” — “Sparta” 5:0;

“Yang Boyz” — “Inter” 0:1;

“Atletiko” — “Lill” 1:3;

“Benfika” — “Feyenoord” 1:3;

“Zalsburg” — “Dinamo Z” 0:2.

• Barselona
• Bavariya
• Erling Holand
• Levandovski
• Liverpul
• Manchester Siti