Jahon chempionati finali tarixdagi eng qiziqarli va murosasiz uchrashuvlardan biri bo‘ldi, desak bo‘ladi.

Mazkur finalda Kilian Mbappening ikkinchi bo‘limi oxirlaridagi 2 goli to‘qnashuv haroratini yanada oshirib yubordi. Ushbu harakatlar bilan “toshbaqa ninzya” tarkibdagi liderligini ko‘rsatib qo‘ydi. Shuningdek, uning tanaffus paytidagi nutqi ham uning yetakchilik qobiliyatlarini ko‘rsatib qo‘ydi.

“Yigitlar, bu jahon chempionati finali, bu hayot va mamot o‘yini. Nima bo‘lmasin, vaziyat u darajada yomon emas. Hozir biz maydonga qaytamiz va bizni ahmoq qilishlariga yo‘l qo‘ymaymiz. Intensivlik qo‘shamiz va jang qilamiz. Biror narsa qilish kerak.



Bu jahon chempionati finali! Biz ikki golni unutishimiz kerak yoki ortga qaytamiz. Hey, bu to‘rt yilda bir marta sodir bo‘ldi”. – deya jamoadoshlarini ruhlantirdi Kilian.

Shuningdek, bosh murabbiy Didye Desham ham jamoaga murojaat qildi.

“Bolalar, Men sizlarga g‘azab qilmasdan gapiraman. Hozir farq nimada bilasizmi? Ular Jahon chempionati finalida o‘ynayapti biz esa yo‘q!” deydi mutaxassis.

Ushbu gaplar qaysidir ma’noda o‘yinga ta’sir qildi. Ikkinchi bo‘limda durang qayd etildi hamda ish qo‘shimcha taymlar va penaltilarga qadar yetib bordi. O‘yinda Kilian xet-trik qildi, ammo, bu finalni yutishga yetarli bo‘lmadi.

• Argentina
• Final
• Fransiya
• Mbappe