O‘tgan hafta davomida Buxoro shahrida kuzatilgan muttasil yog‘ingarchilik oqibatida joriy yilning 11 mart kuni “Talipoch qal’a darvozasi”ning chap tomonida qulab tushgan qal’a devori qismini va “Talipoch darvozasi”ni ta’mirlash uchun Respublika byudjeti mablag‘lari hisobidan 1,0 mlrd so‘m ajratildi. Bu haqda Madaniy merosni agentligi Matbuot xizmati xabar bermoqda.

Qayd etilishicha, vazirlar Mahkamasi tomonidan joriy yilning mart oyida tasdiqlangan “2022-yil davomida asrashga doir ishlar amalga oshiriladigan moddiy madaniy meros ko‘chmas mulk obyektlarining Manzilli ro‘yxati”ga asosan mazkur obyektni ta’mirlash-tiklash ishlari Madaniy meros obyektlari restavrasiyasi direksiyasi tomonidan amalga oshiriladi.

Hozirda mas’ul soha mutasaddilari va mutaxassislar tomonidan ushbu ob’yektning loyiha oldi ishlari olib borilmoqda.

• Buxoro
• Madaniy meros
• qal'a