“Google” kompaniyasi “YouTube Music” xizmati foydalanuvchilariga ma’lum bir san’atkorlar tasnifi asosida o‘z radiostansiyalarini yaratish va qo‘shiqlarni ijro etish tartibini aniqlaydigan algoritm o‘rnatish imkoniyatini bera boshladi. “Radio Builder” deb nomlangan xususiyat allaqachon ba’zi tinglovchilar smartfonida paydo bo‘la boshladi.

Ushbu radioga “iOS” yoki Android ilovasidagi “YouTube Music” asosiy sahifasidagi musiqani sozlash bo‘limiga o‘tish orqali kirishlari mumkin.

Shaxsiy stansiyani yaratishda foydalanuvchilar 30 tagacha qo‘shiqchini belgilashi va nafaqat ulardan musiqa tanlashi, balki qaysi qo‘shiqlarni ijro etishni ham belgilash imkoniyati ham mavjud: tanish, yangi yoki kombinasiya usulida.

“YouTube” bu xususiyatni o‘tgan yili sinovdan o‘tkaza boshlagan va uning chiqarilishini ko‘rish juda yoqimli bo‘ladi. “YouTube Music”da allaqachon algoritmga asoslangan ko‘plab mikslar mavjud bo‘lsa-da, foydalanuvchi aniq bir narsani tinglashni xohlasa, lekin butun pleylistni qo‘lda sozlashni istamasa, ushbu stansiyalarga ega bo‘lish juda yaxshi variantga o‘xshaydi.

“Google” matbuot kotibi Pol Penningtonning so‘zlariga ko‘ra, “Radio Builder” funksiyasi pullik obuna bor yoki yo‘qligidan qat’i nazar, “YouTube Music” ishlayotgan joyda mavjud bo‘ladi.

Avvalroq, “YouTube” bosh direktori Syuzan Voychiski o‘z lavozimini tark etishini ma’lum qilgan edi. Vaziyatni hisobga olgan holda “Google” korporasiyasi rasmiylarining ushbu qarorini oqilona yurish sifatida baholash mumkin.

Qayd etish mumkin, aynan Voychiski, “YouTube” muvaffaqiyatga erishishini to‘g‘ri baholay olgan. U 2006-yilda “Google” rahbariyatiga videoxostingni sotib olishni taklif qilgan. O‘shandan beri Syuzan ushbu loyihaga javobgar bo‘lgan va 2014-yildan bosh direktor lavozimida ishlagan.

• Google
• Musiqa
• YouTube