
Ko‘k kit Yer yuzasidagi eng yirik jonzot bo‘lib, birgina yuragining og‘irligi 1 tonna keladi va u daqiqasiga 5 tadan 20 tagacha uradi, deb hisoblanardi. Amerikning Stenford universiteti biologlari bu ma’lumotni aniq o‘lchab ko‘rishga muvaffaq bo‘lishdi. Monterrey ko‘rfazi akvatoriyasida yashovchi ko‘k kitning chap suzgichlariga o‘rnatilgan mahsus uzatkichlar butun kun davomida uning yurak qisqarishi ritmini nazorat qilish imkonini berdi. Ma’lum bo‘lishicha, bu sut emizuvchi yuragining urish tezligi muhitning o‘zgarishiga qarab farq qilar ekan. Kit suv tubiga ketganida yuragi daqiqasiga 4-8 marta va hatto 2 martadan ham urgan. Suv tepasiga chiqqanda esa bu ko‘rsatkich 37 martagacha ko‘tarilgan.
Olimlar tadqiqotni yangi texnik moslamalar bilan yanada boyitishni va boshqa kitsimonlarni ham o‘rganishni rejalashtirmoqda. Ilgari bunday sinov Antarktida pingvinlarida o‘tkazilgan edi, deya xabar beradi gismeteo.ru.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!