Norvegiyaning Oslo shahri universitetining olimlari “3D” nashri yordamida o‘z mexanizmidagi xatoliklarni tuzata olish qobiliyatiga ega bo‘lgan robotlarni yaratishdi. Bu haqida “The Daily Dot” xabar beradi. 

Hozir ham robot juda ko‘p vazifalarni bajara oladi. U har xil tezlikda harakat qilishi, o‘z shaklini kichraytirishi, har xil quvvat sarflash rejimlarida ishlashi va to‘siqlardan oshib o‘tishi mumkin. Keyinchalik ularga “3D-printer” qo‘shilishi rejalashtirilgan va ular bu yordamida o‘z mexanizmida buzilgan qismning o‘rniga yangisini yaratishlari yoki notekis yo‘lda yurish uchun o‘zlariga yangi mexanizm yaratib, qiyinchiliklarni bartaraf qilishlari mumkin bo‘ladi. 

Olimlarning fikricha, robotlarda ishlatilayotgan texnologiyalar o‘zga sayyoralarda foydali minerallarni qazib olish bilan shug‘ullanadigan mashinalar yaratishda foydalaniladi. Hozir ham bu robotlarni inson uchun xavfli yoki qiyin bo‘lgan joylarda, masalan, okean ostida, Antarktika kabi sovuq bo‘lgan yerlarda yoki radionurlanish kuchli bo‘lgan hududlarda ishlatish mumkin.