Eng qimmat taom borasidagi tasavvurlar hammada har xil. Kim uchundir bu qizil baliq bo‘lsa, boshqalar uchun noyob oq tryufellardir. Biroq yana shunday mahsulotlar borki, ularning bahosi sizni hayratlantirishi aniq. AdMe.ru dunyodagi eng qimmat 10 oziq-ovqat mahsuloti haqidagi ma'lumot bilan bo‘lishdi.

1. Matsutake qo‘ziqorini

Ushbu qo‘ziqorinlarning noyobligi ularning 1 kilogramm narxini 600 dollarga ko‘taradi. Matsutakening vatani - Yaponiya. Qo‘ziqorinning bu turi bir necha Osiyo mamlakatlarida mavjud, biroq daraxtlarni kemiruvchi hashoratlar ularning sonini sezilarli darajada qisqartirmoqda, zero matsutake odatda daraxt soyasi ostida o‘sadi. Matsutakeni yetishtirish usullari yo‘qligi bois ular Yer yuzidan butkul yo‘qolish xavfi ostida.

2. Kopi-luvak qahvasi

Bu qahva Indoneziya, Filippin va Janubiy Hindistonning sanoat maydonlarida ishlab chiqariladi. Kopi-luvak — dunyodagi eng qimmat qahva. Uning bahosi (1 kilogramm) - 250 dollardan 1 200 dollargacha. Kopi-luvak o‘ziga xos qayta ishlash usuli bilan mashhur.

3. Beluga-albinos ikrasi

Bunday ikraning 1 kilogrammi 8 500 yevroga baholanadi. Beluga-albinos — bu Kaspiy dengizida yashovchi yirik osetr balig‘i. Uning narxi bu qadar balandligiga beluga-albinoslarning tilla rangdagi ikralarni kamdan-kam — taxminan 100 yilda bir marta qo‘yishi sababdir.

4. Qaldirg‘och uyasidan sho‘rva

Bu qushlarning uyalari deyarli birgina so‘lakning o‘zidan tashkil topgan bo‘ladi. Aynan shuning uchun ham ular qadrlidir: ularning uyalari — Xitoy oshxonasining qimmatbaho mahsuloti hisoblanadi. Baland narx izohi oddiy: qaldirg‘och uyalarini yig‘ish ancha xavfli. Qushlar ko‘pincha o‘z uyalarini tik qoyalarga solishadi, bunday joydan tushib ketish xavfi esa katta. Ushbu delikatesning qiymati (1 kilogramm uchun) - 3 000 dollargacha.

5. Za'faron

Ushbu ziravorning bahosi (1 kilogramm uchun) - 400 dollardan 1 000 dollargacha. Bunga za'faronning faqat kuzgi mavsumda, yilda atigi 7 kun o‘sishi sababdir. Uni yig‘ish va qayta ishlash ishlari qo‘lda amalga oshiriladi. 1 kilogramm za'faron chiqishi uchun esa ishchilar 300 ming o‘simlik terishlariga to‘g‘ri keladi.

6. Oq tryufellar

Bu qo‘ziqorinlarning yuqori bahosi ularning o‘sishi, yig‘ish usuli, saqlashda o‘ziga xos sharoit talab qilishi hamda betakror ta'm va xushbo‘y ifori bilan izohlanadi. Yevropada oq tryufellarning 1 kilogrammi 2 000 yevroni tashkil qiladi.

7. Ayam tsemani qora tovug‘i

Ayam tsemani tovuqlari Indoneziyada ko‘paytiriladi, biroq qush grippi tarqalish xavfi tufayli boshqa mamlakatlarga yetkazilmaydi. Bunday qushlarning nasli shu qadar noyobki, Indoneziyaning o‘zida birgina shunday jo‘janing narxi 200 dollarga yaqin turadi. Undan tashqarida esa bir necha ming dollarga yetishi mumkin.

8. Yapon olachipor mol go‘shtidan steyk - Wagyu A4

Yapon olachipor mol go‘shtidan Wagyu A4 steyki — dunyoning eng mazali, mashhur va qimmatbaho delikateslaridan biri. U xushbo‘y hidi va o‘zining taniqli yog‘li teksturasi bilan mashhur. Vagyu naslidagi buqalar Yaponiyada maxsus uqalanadi, pivo bilan oziqlantiriladi, klassik musiqa tinglashadi. Bunday mol go‘shtining 1 kilogrammi 450 dollarga baholanadi.

9. Xamon iberiko

Eng qimmat cho‘chqa go‘shti — xamon iberikoning vatani - Ispaniya. Aynan shu yerda iberiko naslidagi qora cho‘chqalar yetishtiriladi. Ular cho‘chqayong‘oqlar bilan oziqlantirilib, maxsus keng yaylovlarda boqiladi. 1 kilogramm xamon iberikoning narxi - 365 yevro atrofida.

10. Bug‘u pishlog‘i

Dunyodagi eng qimmatbaho pishloqlardan biri bug‘u pishlog‘idir. U faqat bir joyda - Shvetsiyadagi Moose House fermasida ishlab chiqariladi. Uni ishlab chiqarishda bug‘u sutidan foydalaniladi. Bug‘u pishlog‘i rangi - oq, u juda cheklangan miqdorda ishlab chiqariladi. Bunday pishloq narxi (1 kilogramm uchun) 1 000 yevroni tashkil etadi.