Fevralning ikkinchi kunida janob Svedishga bolalikdagi o‘rtog‘i miss Bartondan qo‘ng‘iroq bo‘ladi. Uning Barton&Design elit erkaklar butigida jinoyat sodir bo‘lgan edi. Yosh konsultant Mark Grinberri o‘ldirilgandi. U zaxira xonadan topilgan. Markning yoshi atigi 25 da bo‘lib, yomon odatlari yo‘q edi, Goggy ismli iti bilan yashar, bir yildan beri do‘konda ishlayotgandi. 
Qo‘riqchilar boshlig‘i ta’kidlashicha, o‘sha damda elektr toki uzilib qolgan va barcha kameralar o‘chib qolgan. 
Detektiv jinoyat joyiga shoshiladi va ushbu manzarani ko‘radi. 
U diqqat bilan hamma joyni ko‘zdan kechira boshlaydi. Hamma yerda narsalar sochilib yotibdi. Tovar qutilari ochiq. Jinoyatchi nimanidir izlagani aniq.  
Kassir miss Artosh, chemodanli erkak – janob Grinch va qo‘li bog‘liq mister Blekberri gumon ostiga olindi. Bu odamlarning hammasi qotillik vaqtida do‘konda edi. Detektiv aynan ulardan biri qotil ekanligiga ishonchi komil. Qo‘riqchilar boshlig‘ining aytishicha, elektr uzilib qolganida kirish va chiqish yo‘llari xavsizlik tizimi tomonidan bloklangan, chiroq yongach esa, eshiklar blokdan chiqqan. Biroq qo‘riqchi qotillik sodir bo‘lganini ko‘rib, darhol eshiklarni bloklagan. 
Jinoyat joyini va gumondorlarni ko‘zdan kechirgan detektiv – jinoyatchi kimligini aniq aytib beruvchi bir nechta detallarni aniqladi. U politsiyani chaqirdi va 5 kun o‘tib, suddan so‘ng qotil qamoqxonaga kirdi. 
Savol: Qotil kim? Qaysi detallar uni aniqlashda detektivga yordam berdi?

Oʻtgan safargi jumboqning javobi: 14.
Birinchi shaklda jami 5ta kvadrat bor, 4ta kichik va 1ta katta
Ikkinchi shaklda jami 14ta: 9ta kichik, 4ta oʻrtacha va 1ta katta kvadrat bor.