Qalin va uzun kipriklarni hamma orzu qiladi. Shu niyatda ko‘pchilik ayollar, qizlar sun’iy kiprik ektirish amaliyotidan foydalanishmoqda. Kipriklarni bunday zararli amaliyotsiz ham qalinlashtirish mumkin desak, ishonasizmi? Ishonmasangiz, ushbu maqola bilan tanishib chiqing...
1.  Dush qabul qilib bo‘lgach, kipriklarni tush cho‘tkasi yoki oddiygina tish cho‘tkasi bilan tarab chiqing.
2.   Cho‘milib chiqqach, kipriklarga soch uchun mo‘ljallangan balzamdan surtib, bir daqiqadan so‘ng yuvib tashlang.
3.   Kipriklarga kanakunjut moyidan surtish yoki unga namlangan paxtani qo‘yish ham kiprik qalinlashishiga yordam beradi. Undagi risinolein kislotasi kiprik to‘kilishining oldini oladi va ularning ildizini mustahkamlaydi.
4.   C va B guruhi vitaminlarini qabul qilish ham kipriklarning quyuq va qalin bo‘lishida amaliy yordam beradi.  
5.  Kipriklarni qayiruvchi moslama bilan egib, so‘ng tush surtsangiz ham, ular quyuq ko‘rinish hosil qiladi. Bundan avval kiprik qayirgichni soch quritgich yordamida isitib oling.
6.  Kiprik qayirgichlardan imkon qadar kamroq foydalanish tavsiya etiladi. Kipriklar tuzilishini zararlashi sabab ularni haftada bir marta qo‘llash lozim.
7.  Tush surishga o‘rganib qolgan bo‘lsangiz,  foydalanishda tarkibini inobatga olganingiz ma’qul. Ularning tarkibida pantenol yoki asalari mumi borlarini xarid qiling. 
8.  Kipriklarni vizual quyuqlashtirish uchun bolalar upasi (prisipka)dan surting. Ana undan keyingina kipriklarni ikki qavat tush bilan qoplang.
9.  Surtilgan tushni to‘g‘ri yuvishni ham bilish kerak. Ularni o‘sish holatiga ko‘ra, tepadan pastga tomon yengil ishqalagancha yuvish tavsiya etiladi.
10.  Tushni har uch oyda bir marta almashtirish lozim. 
11.  Kipriklarni jarohatlab qo‘ymaslik uchun chalqancha yotib uxlash tavsiya etiladi. Yuz bilan yotgan vaqtda kipriklarga zarar yetishi mumkin.