Prezident Shavkat Mirziyoyev tashabbuslari asosida tadbirkorlikni qo‘llab-quvvatlash va biznes uchun yanada qulay muhit yaratishga qaratilgan yangi choralar taqdim etildi.

Yangi o‘zgarishlarga ko‘ra, 2026-yil 1-iyundan kichik biznes uchun soddalashtirilgan soliq rejimi chegarasi 1 milliard so‘mdan 5 milliard so‘mgacha oshirilishi kutilmoqda.

Bu esa tadbirkorlarga faoliyatini kengaytirish, ortiqcha soliq bosimini kamaytirish va biznesni qonuniy ravishda rivojlantirish imkonini beradi.

Shuningdek, yangi tartiblar doirasida:

• umumiy ovqatlanish, savdo va xizmat ko‘rsatish sohalari uchun 6 foizlik soddalashtirilgan QQS tizimi joriy etiladi;
• past xavfli tadbirkorlar uchun QQSni qaytarish jarayoni avtomatlashtiriladi;
• QQS guvohnomasini vaqtincha to‘xtatish amaliyoti bekor qilinadi;
• soliq auditi va sayyor tekshiruvlarga cheklovlar kiritiladi;
• bank hisobvaraqlari ochish va ayrim xizmatlar to‘liq raqamlashtiriladi.

Mazkur yengilliklar 600 mingdan ortiq kichik biznes sub’yektiga faoliyatini ochiq va erkin rivojlantirish imkonini yaratishi kutilmoqda.