Avvalroq mamlakatda 1-apreldan boshlab qator tovar va xizmatlar, jumladan alkogol va tamaki mahsulotlari uchun naqd pulda to‘lov qilishga cheklovlar joriy etilgani haqida xabar berilgan edi. Keyinchalik alkogol va sigaretalarni naqd pulga sotishni qayta tiklash taklifi ilgari surildi. Bu taklif prezidentga taqdim etilgan kichik biznes o‘sishi uchun qulay shart-sharoit yaratishga oid taqdimotda yangragan. Prezident tomonidan imzolangan yangi farmonga ko‘ra, 1-iyundan boshlab O‘zbekistonda mehmonxonalar va umumiy ovqatlanish korxonalari alkogol va tamaki mahsulotlarini sotishda naqd pul to‘lovlarini qabul qilishi mumkin bo‘ladi.

Hujjatda aytilishicha, mehmonxona va umumiy ovqatlanish sohasidagi korxonalar alkogol hamda tamaki mahsulotlarini naqd pul qabul qilgan holda sotish huquqiga ega bo‘ladi. Shu bilan birga, sotish uchun xarid qilingan alkogol mahsulotlari raqamli markirovkadan foydalanilganda yakuniy iste’molchiga sotilgan deb hisoblanadi.

• Alkogol
• Farmon
• Prezident
• Tamaki