“Bloger bo‘lish oson – Instagramga kir, o‘z saytingni och, xayolingga nima kelsa – yoz”. Agar aynan shunday o‘ylasangiz – qattiq adashasiz. Muvaffaqiyatli blog shunchaki chiroyli fotosuratlar va quvnoq matnlar yuklashdan ham ko‘ra juda ko‘p energiya talab qiladi. Hozirgi zamonda kodlarni o‘rganish, retush qilish va texnik bilimlarga ega bo‘lish shart emas, ammo o‘z maydonchangizni yuritish strategiyasiga oid bir nechta muhim detallar borki – ularni oldindan bilgan yaxshi. 

O‘z sohangizni aniqlang

Har qanday muvaffaqiyatli biznesdagi ilk qadam – kontentni nima haqida yuritishni aniqlab olishdir. Nimaga ishtiyoqingiz baland? Nima bo‘yicha mutaxassissiz? Har kuni nima haqida gapirib berishni istaysiz? Ro‘yxat tuzing va o‘zingizning ojiz tomonlaringizni aniqlash uchun siz yuritmoqchi bo‘lgan mavzudagi bloglarni toping. O‘zingizning mediareja-taqvimingizni tuzing – unda bir necha oy oldindan taxminiy mavzular belgilangan bo‘lsin. Unutmang, blogingizning aniq ta’rifi nafaqat obunachilarga, balki potensial hamkorlarga yordam beradi. 

Biznes-reja tuzing

Garchi blog – shunchaki ijodingiz mahsuli bo‘lsa-da, biznes-reja maqsadlaringiz haqidagi tasavvurni mustahkamlashda yordam berishi mumkin. Loyihangizga jiddiy yondashing, keyin nima bo‘lishini axir siz bilasiz – balki u doimiy ishingiz o‘rnini bosar. Har qanday mavzu uchun internetda topish oson bo‘lgan monetizatsiya hisob-kitobi jadvallaridan iborat reja tuzing. 

Brend bilan shug‘ullaning

Blogingiz muvaffaqiyatiga ta’sir qiluvchi jiddiy detal – nom va ko‘rinish. Bular obunachilaringiz birinchi navbatda ko‘radigan narsalardir. Agar ular darhol sizning uslubingiz, kontentingiz va shaxsingizni his qilishsin – bu ko‘p vaqt talab qiladi. Blog yuritayotgan maydonchnangizning texnik imkoniyatlarini o’rganing – oddiy akkauntni biznes-rejimga o‘tkazarsiz, ehtimol. 
Agar istaklaringiz kattaroq bo‘lsa va kontent yaratish uchun investitsiya kiritishga tayyor bo‘lsangiz – logotip, ranglar, shrift va fon yaratish uchun grafik dizayner yollang.  

Taqvim tuzing

To‘xtamlar va ilhomsizlik davridan qochish uchun eng yaxshi usullardan biri – butun hafta davomida nimalar e’lon qilishingizni belgilab qo‘yishdir. Agar ma’lum bir rubrikalarni yuritsangiz, ular hafta davomida olib borilishiga e’tibor bering, auditoriya davomini uzoq vaqt kutib qolmasin. Blogni yo‘lga qo‘yishdan avval oldindan kamida 5ta postingiz rejalashtirilgan tursin.  O‘sib borish davomida taqvim bilan samaradorlikni solishtiring – shunda qaysi vaqt samaraliroq ekanligini, qachon hech narsa e’lon qilmaslikni bilib olasiz. 

Ko‘proq narsalar qiling

Biznes-reja va muharrirlik taqvimi o‘z blogingizga qancha vaqt va qancha kuch sarflashingizni tushunishingizga yordam beradi.  
Agar vaqt yetsa – o‘sish uchun qo‘shimcha strategiyalarni ko‘rib chiqing: tanlovlar, boshqa blogerlar bilan hamkorlik loyihalarini qiling. O‘quvchilaringizning kontakt ma’lumotlarini yig‘ing va ularga xatlar hamda o‘ziga xos taklifnomalar jo‘nating.  

Muloqot qiling
Sizning kontentingizga qiziqishi mumkin bo‘lgan odamlar, kompaniyalar va boshqa blogerlarga a’zo bo‘ling. Layk bosish va izoh yozishdan uyalmang – ismingiz hammaga tanilsin. Yashayotgan joyingizdagi boshqa sohalar bo‘yicha blog yuritadigan kishilar bilan hamkorlik qiling. O‘z doirangizdan tashqarida bo‘lgan har qanday aloqalar – auditoriyangizni kengaytirish imkonini beradi.