Andijon shahar prokuraturasi joriy yil 19-iyun kuni Andijon shahar “O‘zbekiston” MFYda yashab kelgan 2014-yilda tug‘ilgan egizak bolalar (o‘g‘il)ning o‘limi yuzasidan 27 yoshli ayolni gumondor sifatida qidiruvga berdi.

Xabarnomada bildirilishicha, bolalar 16-iyundan buyon qidirilayotgan bo‘lgan.

Mazkur holat yuzasidan Jinoyat kodeksining 97-moddasi 2-qismi “a” bandi bilan jinoyat ishi qo‘zg‘atilgan.

Maʼlum bo‘lishicha, gumondor Yo.S.Dadaboyeva 1995-yilda Izboskan tumani Maygir qishlog‘ida tug‘ilgan.

Uning belgilari: bo‘yi 155-160 sm., yuzi ovalsimon, sochlari o‘rtacha qora, qoshlari yoysimon, ko‘zi qora, burni o‘rtacha kattalikda.

Alohida belgilari: qornining pastki qismida operatsiyadan chandiq qolgan, o‘ng labining tepasida xoli bor va 7 oylik homilasi bor.

• Andijon
• IIB
• Jinoyat
• Qotillik