Болливуднинг энг машҳур жуфтликларидан бири – Алия Бхатт ва Ранбир Капур илк марта ота-оналик бахтига эришдилар. Актриса 6 ноябрь куни қиз фарзандни дунёга келтирган.

Алия Бхатт қувончли янгиликни Инстаграм саҳифаси орқали мухлислари билан бўлишди. "Ҳаётимиздаги энг ажойиб янгилик, бизнинг кичкинтойимиз шу ерда, у шунчалар мўъжизавийки... Биз бутун вужуди билан муҳаббат ва бахтга тўлиб-тошган ота-оналармиз", деб ёзди актриса ўз саҳифасида.

Эслатиб ўтамиз, Алия Бхатт актёр Ранбир Капур билан жорий йилнинг апрель ойида Мумбай шаҳрида турмуш қурган эди. Актриса турмуш ўртоғидан 11 ёшга кичик.

• bollivud
• машҳурлар