Голливуд юлдузи Анжелина Жоли ўзининг шахсий модалар уйига асос солмоқда. Ижодкор бу ҳақда ижтимоий тармоқдаги саҳифасида маълум қилган.

“Бугун мен ҳар бир аъзоси ижод қилиши мумкин бўлган жамоа билан янги иш бошлаяпман. “Atelier Jolie” – ижодкор инсонлар малакали тикувчилар, бичувчилар ва бутун дунёдан келган усталар билан ҳамкорлик қиладиган маскан. Бунга мен узоқ йиллар давомида бирга ишлаган тикувчи ва усталарга бўлган чуқур ҳурматим ҳамда ўзликни англаш ҳаракатининг бир қисмига айланиш истагим сабаб бўлди”, – дейди Жоли.

Маълумотларга кўра, “Atelier Jolie” бошқа мода уйларига ўхшамайди. Бу ерда мижозлар либослар дизайнини ўзлари яратишади, тикувчилар эса уларнинг ғояларини амалга оширишга ёрдам берадилар. Либосларнинг барчаси қадимий ва олий сифатли матолар тикилади.

• Кино
• Маданият
• машҳурлар