“Ўзенергоинспексия” Андижон вилоят ҳудудий бошқармаси томонидан ўтказилган назорат тадбирида Андижон шаҳрида фаолият юритаётган “Г.Т.” МЧЖ томонидан электр энергиясидан ноқонуний фойдаланиб келаётганлиги аниқланган.

Унга кўра, ушбу МЧЖга қарашли 2 та текстиль маҳсулотларга аксессуарлар ишлаб чиқариш ва матоларга гул босиш цехи электр тармоқларига ўзбошимчалик билан уланганлиги маълум бўлган.

Ушбу қоидабузарлик натижасида дастлабки ҳисоб-китобларга кўра, электр таъминоти корхонасига 4 миллиард 651 миллион сўмлик зарар етказилган.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

• Андижон
• Электр энергияси
• MCHJ
• Qoidabuzarlik