Суд Uzum кўринишидаги белгидан умумий овқатланиш соҳасида фойдаланиб келган ресторандан товон пули ундириш бўйича қарор чиқарди. Бу ҳақда Адлия вазирлиги матбуот хизмати хабар берди.

Маълум қилинишича, Ф.Т. корхонаси Uzum тезкорга тегишли бўлган Uzum Tezkor ва Uzum Food товар белгисига ўхшаш Uzum кўринишидаги белгидан ноқонуний фойдаланган.

Ресторанга нисбатан ҳуқуқий таъсир чораси қўлланилган. Бундан ташқари, Uzum Tezkor “бренд ўғрилиги” билан шуғулланган ҳуқуқбузардан товон пули ундиришни сўраб судга мурожаат қилган.

Суд қарори билан Ф.Т. корхонасидан 75 млн сўм товон пули ундирилиши белгиланган. Давлат божлари ва бошқа харажатлар билан бирга бу сумма 94 млн сўмни ташкил этган.

• Адлия
• Жарима
• Узум
• хабар