Кеча тунда Украина дронлари Россиянинг бир қанча шаҳарларига ҳужум уюштирди. Ҳужум натижасида Шереметево ва Домодедово аэропортлари вақтинча самолётларни қабул қилиш ва жўнатишни тўхтатди. Шунингдек, алоқа тармоғига зарар етказилгани сабабли поезд қатновлари кечиктирилган.

Россия Мудофаа вазирлиги маълумотига кўра, ҳаво мудофаа кучлари 71 та дронни уриб туширган. Улардан 13 таси Москвага яқинлашаётганида йўқ қилинган.

Москва вилоятининг Дмитров туманида дрон қулаганидан сўнг электр узатиш линияси зарар кўрган. Ҳодиса оқибатида ҳеч ким жабрланмаган.

Ростов вилоятида эса Каменск-Шакҳтинский шаҳрига уюштирилган дрон ҳужуми натижасида бир нечта уйлар ёниб кетган, бир киши жароҳат олган. Бу ҳақда вилоят раҳбари вазифасини бажарувчи Юрий Слюсар маълум қилди. Ҳудуддаги Каменский туманида электр трансформатори ёниб кетган, натижада қарийб 2000 киши электр таъминотисиз қолган.

• Havo hujumi
• Россия
• Украина
• дрон