Ижтимоий тармоқларда “Фарғонада бир аёл ўқитувчи ўзини осибди...” мазмунда тарқатилган хабар вилоят Мактабгача ва мактаб таълими бошқармаси томонидан ўрганиб чиқилган.

Мазкур хабарда, “Чет тилидан B2 сертификати йўқлиги учун ишдан бўша”, – деб қаттиқ босим бўлганлиги ҳақида сўз юритилган.

Ўрганиш жараёнида Фарғона вилоятидаги умумий ўрта таълим мактабларида мазкур ҳолат аниқланмаганлиги ва ижтимоий тармоқлардаги хабарлар ҳақиқатга тўғри келмаслиги таъкидланган.

“Маълумки, Конституцияга мувофиқ, ҳар ким ахборотни излаш, олиш, тадқиқ қилиш, узатиш, тарқатиш, ундан фойдаланиш ва уни сақлаш ҳуқуқига эга.

Йодда тутиш керак-ки, асосланмаган маълумотларни тарқатиш, бу ҳаракатлар билан кимнидир камситиш, обрўйини тўкиш, шаънига путур етказиш, шунингдек, қасддан ташкилот ёки корхона нуфузига зиён етказганлик учун фуқаролик, маъмурий ва жиноий шаклдаги жавобгарликлар ўрнатилганини яна бир бор эслатиб қўямиз”, – дейилади хабарда.

• Фарғона
• Maktabgacha va maktab ta'limi vazirligi
• rasmiy munosabat