Унинг устига инсонпарварлик ёрдами юкланган контейнер тушиб кетган.

“Ғазонинг марказидаги Нусайрат қочқинлар лагери яқинида ҳаво орқали ёрдам операцияси пайтида инсонпарварлик ёрдами юкланган контейнер тушиб кетиши, натижасида 14 ёшли Муҳаммад Эид ҳалок бўлди, бошқалар эса яраланди”, – деб ёзади Anadolu.

Соғлиқни сақлаш манбаларининг маълумотига кўра, ҳаво орқали ташланган ёрдам юкларидан оғир тан жароҳати олган Муҳаммад Эид ал-Авда касалхонасига етказилган, аммо у ерда ҳаётдан кўз юмган.

Ҳодиса оқибатида кўплаб фаластинликлар жароҳат олди, айримларининг аҳволи оғирлиги билдирилган.

Эиднинг ўлими 16 июлдан бери инсонпарварлик ёрдами мақсадида амалга оширилган ҳаво ташувлари пайтида юз берган тўртинчи ўлим ҳолати эканлиги маълум қилинган.

Исроил томонидан Ғазога нисбатан қўлланилаётган блокада сабаб юзага келган гуманитар инқироз туфайли айрим давлатлар ана шундай йўл билан ёрдам етказишга уринмоқда.

• Фаластин
• Гуманитар ёрдам
• Isroil