Иқлим исиши Эл-Нинё каби табиий ҳодисалар эмас, балки инсон фаолияти ва атмосферага ис гази тарқалиши билан боғлиқ. Сайёрамизда ҳарорат ҳар қандай сценарий бўйича аср охиригача кўтарилиб бораверади. Бундай хулосани россиялик метеоролог олим Роман Вилфанд “РИА Новости”га берган интервьюсида келтирган.

– Иқлим исиши – ис гази ҳавода кўп тўпланиб қолиши билан боғлиқ узлуксиз давом этаётган жараён. Эл-Нинё ёки Ла-Ниня табиий омил, асосий сабаб эса антропоген таъсирда. Масалан, ис гази ҳавога тарқалиши эртагаёқ тўхтатилган тақдирда ҳам инсон фаолияти туфайли ҳавода йиғилиб қолган ис гази икки баробар камайиши учун 30 йил керак. Айнан шу сабабли воқеалар ривожи ҳар қандай кўринишда давом этади, инсоният барча чорани кўрган тақдирда аср охиригача ҳарорат барибир кўтарилиб бораверади. Бор умид секин исишдан, - деган мутахассис ўз фикрида.

Эл-Нинё ҳодисаси Тинч океани экватор қисмида сув юзаси ҳароратининг аномал даражада исиши билан боғлиқ. Океан оқимидаги ўзгаришнинг ўзига хослиги шундаки, Ла-Ниня пайти атмосферадаги иссиқлик кескин тарзда океанга сингади, Эл-Нинё шароитида эса иссиқлик океандан атмосферага тарқалади.

• аномал иссиқ