АҚШ молия вазири Скотт Бессентнинг айтишича, Россиянинг бу икки йирик нефть компанияси “Кремлнинг ҳарбий машинасини молиялаштирмоқда”, президент Доналд Трамп жанговар ҳаракатларга якун ясашга уринмоқда.

Янги АҚШ санкциялари “Роснефт”нинг 28 та шўба корхонасини ва “Лукойл”нинг 6 та филиали ҳамда бўлинмаларини ҳам ўз ичига олади, дея маълум қилинди вазирлик томонидан эълон қилинган баёнотда.

“Санкциялар Россиянинг “Украинага қарши урушни тўхтатиш бўйича тинчлик жараёнига жиддий ёндашувни кўрсатмаганлиги” сабабли жорий этилмоқда. Москва дарҳол ўт очишни тўхтатишга рози бўлиши керак”, – дейилади АҚШ Молия вазирлиги хабарида.

Шунингдек, санксияланган шахс ёки компаниялар улуши 50 фоиздан ортиқ бўлган барча юридик шахслар ҳам блокланади. Бу қоидаларни бузган шахслар – ҳам АҚШ фуқаролари, ҳам хорижликлар – нисбатида фуқаролик ёки жиноий жавобгарлик чоралари қўлланиши мумкин.

• АҚШ
• Россия
• Санкция
• kompaniya