Бу ҳақда Исроил бош вазири идораси маълум қилди.

“ХАМАС томонидан сулҳ бузилгани муносабати билан бош вазир Бинямин Нетаняху мудофаа вазири ва куч тузилмаларининг раҳбарлари билан маслаҳатлашув ўтказди ҳамда Ғазо секторидаги террорчилик нишонларига кучли зарбалар беришни буюрди”, – дейилади баёнотда.

Исроил армияси (САХАЛ) эса “ўт очишни тўхтатиш режимининг очиқ бузилишига жавобан” Ғазо секторидаги ХАМАСга тегишли объектларга зарбалар беришни бошлаганини маълум қилган.

Исроил, шунингдек, би кескинлик фонида Ғазо секторига гуманитар ёрдам етказишни ҳам тўхтатиб қўйди. Axios нашри журналисти Барак Равиднинг маълум қилишича, Бинямин Нетаняху Ғазо секторидаги барча чегара ўтиш пунктларини ёпишга буйруқ берган.

Исроил армияси сўнгги 10 соатда Ғазо секторидаги ўнлаб нишонларга зарбалар берилганини ва бунда 120 дан ортиқ ўқ-дорилар қўлланилганини маълум қилди.

Ynet порталининг ёзишича, Исроил армияси Ғазо секторидаги илгари тирик гаровдагилар бўлгани сабабли ўққа тутилмаган ҳудудларга ҳам зарбалар берган.

• Binyamin Netanyaxu
• Фаластин
• Havo hujumi
• Isroil