26°
Кечаси 15°
Америка Қўшма Штатлари Украинага 600 миллион долларлик ёрдам пакетини тақдим этади. Бу ҳақда Пентагон матбуот котиби ўринбосари Сабрина Сингх маълум қилди.
Қайд этилишича, бунга Украина ҳаво ҳужумидан мудофаа тизимини таъминлаш учун жиҳозлар ҳамда артиллерия ўқлари киради.
"Бугунги кунда Мудофаа вазирлиги Украинанинг жанг майдонидаги эҳтиёжларини қондириш учун Украина хавфсизлигига кўмаклашиш ташаббуси (USAI) орқали янги ёрдам пакетини тақдим этмоқда. Ушбу 600 миллион долларлик ёрдам пакети Украина ҳаво ҳужумидан мудофаа тизимини мустаҳкамлаш учун ускуналар, артиллерия ўқлари ва бошқа нарсаларни ўз ичига олади " - деди у брифингда.
Пентагон баёнотига кўра, ёрдам пакетига HIMARS бир нечта ракета ўқ-дорилари, 105 миллиметрли артиллерия ўқлари, электрон уруш воситалари, электрон урушга қарши ускуналар, вайрон қилиш ва миналардан тозалаш қуроллари ҳамда Украина ҳарбийларини тайёрлаш учун жиҳозлар киради.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
