Президентнинг махсус вазифалар бўйича маслаҳатчиси Сардор Умурзоқовга янги ташкил этилган Мувофиқлаштирувчи кенгаш ишини ташкил этиш бўйича қўшимча ваколатлар берилди.

Ўзбекистоннинг ички ва ташқи сиёсатига оид таҳлилий масалаларни ҳал этиш бўйича Мувофиқлаштирувчи кенгаш тузилди. Унинг вазифалари қаторига стратегик тадқиқотларни ташкил этиш, шунингдек, сиёсий ва иқтисодий ривожланишнинг асосий масалалари бўйича мунтазам равишда президентга таклифлар киритиш киради. 

Кенгаш фаолиятини мувофиқлаштириш ва идоралараро ҳамкорликни таъминлаш Президентнинг алоҳида вазифалар бўйича маслаҳатчиси Сардор Умурзоқов зиммасига юкланди. 

Кенгаш ишчи гуруҳлари қуйидаги йўналишларда иш олиб боради: 

хавфсизлик ва ижтимоий барқарорлик;

давлат ва жамият қурилиши;

ижтимоий-иқтисодий ривожланиш;

ташқи сиёсат ва халқаро ҳамкорлик;

стратегик режалаштириш ва ҳудудларни ривожлантириш;

экологик кун тартиби, жумладан иқлим ўзгариши ва сув танқислиги масалалари.

• Ўзбекистон
• Сардор Умрзақов