“Исроил АҚШ билан биргаликда яқин Шарқда “Эрон террор ўқи билан тўқнашув”да ғалаба қозонади”, – деган Исроил бош вазири Бенямин Нетаняху АҚШ Сенати ва вакиллар палатасининг қўшма мажлисидаги ўз нутқида.
“Сизни ишонтириб айтаманки, биз ғалаба қозонамиз”, – деган Исроил бош вазири конгрессменларга. “АҚШ ва Исроил бирлашганда, биз ғалаба қозонамиз ва улар ютқазишади. АҚШ ва Исроил бир-бирига ёпишиб олишлари керак”, – дея қўшимча қилган у.
Исроил Бош вазири АҚШ Конгресси олдида сўзлаган нутқида, Қўшма Штатлардан қурол-яроғ етказиб беришни ҳам сўраган.
“АҚШнинг ҳарбий ёрдами урушни сезиларли даражада тезлаштириши ва тугатиши мумкин. Ғазо ва Яқин Шарқда каттароқ урушнинг олдини олишга ёрдам беринг. Бизга тезроқ ҳарбий воситаларни беринг ва биз урушни тезроқ тугатамиз”, – деган Нетаняху.
Бу Исроил бош вазирининг сиёсий фаолиятидаги Америка конгрессменлари олдидаги тўртинчи нутқи. Олдинги сафар Нетаняху 2015 йил март ойида Конгресснинг иккала палатасининг қўшма йиғилишида нутқ сўзлаган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!