Бугун, 26 нoябрь куни Белгия Бош вазири Александр Де Кру Киевга ташриф билан келди. Бу ҳақда Украина президенти Вoлoдимир Зеленский маълум қилди.

“Бугун биз Александр Де Кру билан муҳокама қилган асосий масалалардан бири бу “Украинадан дон” ташаббусимиз бўлди. Белгия уни қўллаб-қувватлади ва аллақачон гуманитар озиқ-овқат етказиб бериш учун маблағ ажратиш орқали бу жараёнга қўшилди. Ана шундай биргаликдаги саъй-ҳаракатлар туфайли Африка ва Осиёнинг энг қашшоқ мамлакатларидаги миллионлаб одамлар очлик ва у билан боғлиқ ижтимоий катаклизмлардан халос бўлади. Украина ҳар доим жаҳон озиқ-овқат хавфсизлигининг кафолати бўлиб келган ва шундай бўлиб қолади, ҳатто оғир уруш шароитида ҳам Украина раҳбарияти глобал барқарорлик учун ҳаракат қилади”, – дейди Украина раҳбари.

Зеленскийнинг айтишича, Украина ўзи қийналаётган бўлса ҳам жаҳон бозорига ғалла ва бошқа қишлоқ хўжалиги маҳсулотларини етказиб бериш бўйича ўз экспорт мажбуриятларини бажаради.

“24 февраль куни Россия Украинага қарши кенг кўламли уруш бошлади. Босқин ва блокада минглаб одамларни озиқ-овқат ва сувсиз қолдирди. Биз дунёдаги миллионлаб одамларнинг озиқ-овқат ва сувсиз қолишига йўл қўймаймиз. Биз қандай бўлганини эслаймиз. Афсуски, бугунги кунда бу қандай содир бўлишини биламиз. Эртага - бизнинг мамлакатимизда ва бутун сайёрада содир бўлишига йўл қўйилмайди. Байроғимиз – мовий осмон, олтин буғдойзор. Юртимиз азалдан мўл ҳосил берган.

Мамлакатимиз уларни ҳамиша дунё билан баҳам кўрган. Украина глобал озиқ-овқат хавфсизлиги кафилларидан бири сифатида ўзининг асосий ҳиссасини қўшишда давом этади. Урушга қарамай. Тўсиқларга қарамай. Бизни йўқ қилишга уринишларига қарамай. Украина жаҳон бозорига ғалла ва бошқа қишлоқ хўжалиги маҳсулотларини етказиб бериш бўйича ўз экспорт мажбуриятларини бажаради. Украина ҳаёт учун курашувчи. Ўз ва бошқа халқлар учун. Қуллик ва очликсиз ҳаёт”.– дейди Володимир Зеленский.

• Украина