2026 йилги Жаҳон чемпионати 1/16 финал босқичида Бразилия терма жамоаси Японияни 2:1 ҳисобида мағлуб этиб, мусобақанинг нимчорак финалига йўл олди. Драматик руҳда кечган учрашувда ҳисобни 20-дақиқада япониялик Кайшу Сано очди.

Бразилия иккинчи бўлимда жавоб қайтарди. Аввалига 56-дақиқада Каземиро ҳисобни тенглаштирди, сўнгра 90+6-дақиқада Габриэл Мартинелли ғалаба голини киритиб, жамоасига кейинги босқич йўлланмасини тақдим этди.

Эслатиб ўтамиз, Бразилия гуруҳ босқичини «C» гуруҳида биринчи ўринда якунлаган бўлса, Япония «Ф» гуруҳида иккинчи ўринни эгаллаб, плей-оффга чиққан эди. Энди Бразилия 1/8 финалда Норвегия — Кот-дъИвуар учрашуви ғолиби билан баҳс олиб боради. Мазкур ўйин 30 июнь куни бўлиб ўтади. Бразилиянинг нимчорак финал учрашуви эса 5 июль кунига белгиланган.