Бу ҳафта давомида Ўзбекистон ҳудуди бўйича ҳарорат фони пасаяди. Республика ҳудудининг катта қисмида кундузги ҳаво ҳарорати 30-35 даража атрофида, жанубда 37 даражагача бўлади.

Бугун кундузи Ўзбекистон ҳудудининг катта қисмида ёғингарчиликсиз об-ҳаво бўлиши кутилмоқда, фақат Қорақалпоғистон Республикаси, Бухоро, Навоий, Тошкент вилоятларида айрим жойларда қисқа муддатли ёмғир ёғиши, момақалдироқ бўлиши мумкин.

1 июлда республиканинг шимоли-ғарбий ҳудудларида қисқа муддатли ёмғир ёғади, баъзи жойларда момақалдироқ билан кузатилади.

2 июлда марказий вилоятларнинг асосан айрим тоғ олди ва тоғли ҳудудларида, 3 июлда эса Ўзбекистоннинг шимоли-ғарбий ва чўл ҳудудларида момақалдироқ билан қисқа муддатли ёмғир ёғиши мумкин.

Тошкентда бугун куннинг иккинчи ярмида қисқа муддатли ёмғир ёғиши, момақалдироқ бўлиши мумкин. Ҳарорат 32-34 даража бўлади.

30 июнда вақти-вақти билан қисқа муддатли ёмғир ёғади, момақалдироқ бўлиши мумкин. Ҳарорат кундузи 30-32 даража бўлади.

1-3 июлда асосан ёғингарчиликсиз об-ҳаво кузатилади, фақат 2 июлда қисқа муддатли ёмғир ёғиши, момақалдироқ бўлиши мумкин. Ҳарорат асосан кундузи 31-34 даража бўлади.

• Об-ҳаво
• Тошкент
• yomg‘ir