Италиянинг Милан шаҳрида давом этаётган медиа футбол бўйича Жаҳон чемпионати – “Kings League” турнири доирасида Ўзбекистон шарафини ҳимоя қилаётган “Анвонтед Бойс” жамоаси бугун навбатдаги учрашувни Перу жамоасига қарши ўтказади. Жамоа мусобақанинг иккинчи раундида АҚШга 6:2 ҳисобида мағлубиятга учраган бўлса-да чемпионлик кураши учун имкониятни сақлаб қолган эди. Аниқроғи, иккинчи босқичда мағлуб бўлган жамоалар ўзаро плей оффда иштирок этади.

Ўзбекистон ва Перу медиа футбол терма жамоалари ўртасидаги ЖЧ 1/4 финали йўлланмаси учун кечадиган баҳс Тошкент вақти билан соат 22:00 да бошланади.

Маълумот учун, Жерар Пике ташкилотчилигидаги ушбу турнир 12 январга қадар давом этади. Финалга Турин шаҳридаги “Ювентус” клубининг “Альянц” стадиони мезбонлик қилади.

• Футбол
• Жаҳон чемпионати