Бугун, 23 июндан 24 июнга ўтар кечаси ноёб астрономик ҳодиса – сайёралар паради бўлиб ўтади. Уфқда бир вақтнинг ўзида Қуёш тизимининг 5 та сайёраси – Меркурий, Венера, Марс, Юпитер ва Сатурн бир қаторда саф тортади.

Сайёралар сафланган вақтда Ой Марс ҳамда Венера орасида нур сочиб туради.

Бу каби ҳодиса охирги марта 18 йил аввал кузатилган, кейингиси эса 2040 йилда бўлиб ўтади.

Олимларнинг айтишларича, 2-3 та сайёранинг бир чизиқда жам бўлиши одатий ҳолат, аммо 5-6 та сайёранинг бир вақтда бир чизиққа сафланиши ноёб ҳодиса ҳисобланади. Саккизта сайёранинг барчаси битта текис чизиқда учрашиши имконсиз, аммо улар бир вақтда осмоннинг битта томонида жам бўлиши мумкин. Бу каби ҳодиса тахминан 1000 йил аввал кузатилган.

• Коинот
• kosmos