Ўта шўр маҳсулотлар: пишлоқ, пепперони пицца, чипс. Туз танадаги сувни ушлаб қолади, натижада ҳужайралар қисқариб кетади ва сувсизланиш юзага келади. Бу қаришни тезлаштиради.

Шакар ва ширинликлар: ортиқчаси терининг эластиклигига салбий таъсир қилиб, эрта ажин тушишига сабаб бўлади.

Транс ёғлар: уларнинг асосий манбалари фаст-фуд ва маргарин. Булар қон томирларини торайтиради ва томир бўйлаб оқимини бузади. Оқибатда юрак қон-томир касалликларининг ривожланиш хавфи ошади.

Қовурилган картошка. У организмда тезда парчаланади ва шакарга айланади. Юқори ҳароратда ёғда қовурилган маҳсулотлар эркин радикалларни чиқаради. Бунда тери ҳужайралари шикастланиб кетади.

Шунингдек, бу рўйхатга устки қобиғи оч жигарранг бўлгунча қовурилган ёки печда пиширилган барча таомларни қўшиш мумкин. Бу иштаҳаочар ранг, юқорида айтганимиз, гликатсия жараёнига бевосита боғлиқ, ҳаттоки бу таомга шакар қўшилмаган бўлса ҳам.

Одатда узоқ ва соғлом умр кўришни тарғиб қилувчи мутахассислар тез қовурилган ёки буғда пиширилган таомларни истеъмол қилишни тавсия қилишади.

• Фойдали
• Lifestyle
• саломатлик