Ўзбекистон Про лигасининг 9-туридан ўрин олган “Динамо” – “Қўқон-1912» учрашувидан кейин ўтказилган матбуот анжуманида меҳмон жамоа бош мураббийи Муҳсин Низомиддинов “Динамо” футбол клуби ва у иштирокидаги учрашувлар юзасидан фикр билдирган.

Мутахассис ҳакамлар мавсум давомида Самарқанд клубига ёрдам бериб келаётгани ҳақида кескин гапириб, бу аҳволда ўзбек футболи ривожланмаслигини айтган.

Самарқандлик мухлислар эса маданиятни Қўқонга бориб ўрганиши кераклигини таъкидлаган. Ушбу баёнот ижтимоий тармоқларда тарқалди ва жамоатчилик муҳокамасига сабаб бўлди.

Маълум қилинишича, Ўзбекистон футбол ассоциацияси Тартиб-интизом қўмитаси “Қўқон-1912» бош мураббийи Муҳсин Низомиддинов томонидан қилинган баёнотнинг қанчалик асосли эканлигини ўрганмоқда ва бу борада текширув бошланган.

• Футбол
• Про лига
• УФА