Исроил Бош вазири Бинямин Нетаняхунинг Ливанга ҳарбий ҳужум уюштириш режалари бутун минтақада кенг кўламли фалокат келтириб чиқариши мумкин. Бу ҳақда Туркия президенти Ражаб Тоййиб Эрдўғон ҳукмрон Адолат ва тараққиёт партияси (АКП) парламентдаги фракцияси йиғилишида сўзлаган нутқида айтиб ўтди, дейди “Анадулу”.
“Афтидан, Исроил Ғазо секторини вайрон қилиб, энди Ливанни нишонга олмоқда. Нетаняхунинг урушни бутун минтақага ёйиш режалари катта фалокатга олиб келади”, деди Туркия раҳбари.
Давлат раҳбари Ислом олами ва Яқин Шарқ давлатлари “бу қонли режаларга” биринчи бўлиб жавоб қайтариши кераклигини таъкидлаган.
“Туркия қардош Ливан халқи ва давлатини қўллаб-қувватлайди. “Мен минтақадаги бошқа мамлакатларни Ливан билан бирдамликка чақираман”, деди Туркия раҳбари.
Президент Ғарб давлатларининг Ғазо секторидаги жиноий ҳаракатлари фонида Исроилни қўллаб-қувватлаётгани учун кескин танқид қилган.
“Биз Ғарб давлатлари Исроилга парда ортидан ёрдам бераётганини кўряпмиз. Эрдўған, эркинлик, инсон ҳуқуқлари ва адолат ҳақида гапирадиган давлатлар Нетаняхудек руҳий касал одам томонидан асирга олингани ниҳоятда оғир ва ниҳоятда афсусли”, - деди Эрдўған.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!