Reuters’нинг хабар беришича, Германия, Франция ва Буюк Британия Ташқи ишлар вазирлари Женевада эртага, 20 июнь куни Эрон Ташқи ишлар вазирлиги раҳбари Аббос Ароқчи билан ядро дастури юзасидан музокаралар ўтказишни режалаштирмоқда.

“Европалик вазирлар Эрон ТИВ раҳбари билан қўшма йиғилиш ўтказишдан аввал Германиянинг Женевадаги доимий ваколатхонасида Европа Иттифоқи бош дипломати Кая Каллас билан учрашади”, — деди Reuters суҳбатдоши.

Германия расмийсининг сўзларига кўра, Эрон ва европаликлар ўртасида АҚШ билан келишилган ҳолда ўтаётган музокаралардан мақсад Теҳронни ядро дастуридан фақат фуқаролик мақсадларида фойдаланишига қатъий кафолат беришга кўндиришдир. Манбага кўра, музокаралардан сўнг экспертлар даражасида тузилган мулоқот ўтказилиши режалаштирилган.

• Eron
• Музокара