22 ёшли Маҳса Аминининг полиция ҳибсхонасидаги ўлими сабаб норозилик намойишлари бутун мамлакат бўйлаб тарқалди.

Расмий маълумотларга кўра тартибсизликларда ҳалок бўлганлар сони 41 кишини ташкил этган бўлса, инсон ҳуқуқлари ташкилотлари ҳақиқий рақам 75 нафардан ошганини айтишмоқда.

Халқаро ташкилотлардан бири норозилик намойишлари бошланганидан бери камида тўрт бола давлат кучлари томонидан ўлдирилганини маълум қилди.

Келтирилишича, намойишчиларга қасддан ва ноқонуний ўқ отилмоқда.Амнестй ташкилотининг Яқин Шарқ ва Шимолий Африка бўйича директори Хеба Мораефнинг айтишича, ўлганлар сонининг ортиб бораётгани расмийларнинг инсон ҳаётига қанчалик шафқацизлигидан далолат беради.

Эрон расмийларининг билдиришича, норозиликларга қарши курашда 1200 дан ортиқ одам ҳибсга олинган.Қизнинг ўлими юзасидан қариндошлари полиция бўлимида у қийноққа солинган ва ҳақоратланган дейишмоқда.Уларнинг айтишича, қиз бошига тушган зарбадан мияси чайқалган. Касра касалхонасида ҳисобот бор, у касалхонага етиб келганида, у тиббий нуқтаи назардан аллақачон ўлиб бўлган.

• Eron
• Намойиш
• Россия
• Shri-Lanka
• Украина