Блокададаги Ғазо секторининг марказий қисмидаги Дайр ал-Балоҳ шаҳрида фаластинлик болалар тинчлик талаби билан митинг ўтказилди. Бу ҳақда “Анадулу” хабар берди.

Қайд этилишича, ўнлаб болалар Ал-Ақса шаҳидлари касалхонаси олдида тўпланиб, мактабга қайтиш имкониятига эга бўлишларини талаб қилишган.

Акцияни бир гуруҳ фаластинлик фаоллар ташкил қилган. Болалар шифохонага “Таълим – бизнинг ҳуқуқимиз, бизга ўқиш имконияти берилишини талаб қиламиз”, “Биз тинчлик ва хавфсизликда яшашни хоҳлаймиз” ёзувлари ёзилган плакатлар билан келишган.

“Биз дунёдаги бошқа болалар каби тинчлик ва хавфсизликда яшашни, уйимизга, мактабларимизга қайтишни истаймиз. Нега улар бизнинг ҳаётимизни бузишди? Биз тинч яшашга лойиқ эмасмидик?”, - деди тўққиз ёшли Иймон.

Шунингдек, болалар томонидан куй-қўшиқлар, рақслар ижро этилган.

• Болалар
• Фаластин
• miting