Ўрнак бўлинг!

Ўзимиз хунук, қўпол сўзларни ишлатиб, фарзандимизга бундай ёмон гапларни гапирмаслигини тақиқлаб, натижага эриша олмаймиз.Ўзимиз кечгача телефон ва телевизордан бўшамай, унга дарс қилиб, китоб ўқиши кераклигини уқтириб бўлмайди. Ўзгаришни ўзимиздан бошлаймиз.

Айбингизни тан олинг!

Бирор ишда хато қилсак, бошқа нарсаларни рўкач қилмай, айбимизни тан олишимиз керак. Шунда бола хато қилишдан қўрқиб яшамай, хатони такрорламасликни ўргансин.

Болани эркалатишдан қўрқманг!

Етти ёщгача эрка бўлган бола ҳаётда катта ютуқларга эришади. (тарбиясизлик бошқа нарса). Эркалигини янги ўйинчоқлар, кўнгли тусаган нарса билан эмас, меҳримиз билан қоплашимиз керак.

 Кечирим сўраш...

Баъзан болага нисбатан ноҳақ бўламиз. Буни у ҳам билади. Шунда боладан кечирим сўрашдан қўрқмаслик керак. У ҳам меҳрлироқ бўлишни ўрганади. Кечирим сўраш катта ютқизиқ эмаслигини кўради.

Болани ўпинг!

Фарзандимизни кўпроқ қучоқлаб, ўпиб, меҳримизни билдиришимиз керак. Бу унга руҳан жуда муҳтож.

 Сабрли бўлиш...

Биз кўпроқ болани инжиқлигини кўтаришга, саволларига жавоб беришга, болага хос қилиқларига сабримиз етмай, ўзимиздан нари қилишга ҳаракат қиламиз.Аслида биз қилаётган кераксиз юмушларимиз кўп. Улардан вақтни ажратиб, бола учун сарфлаганимиз фойдалироқ. Сабр билан ёндашиб у билан бирга бўлсак,болажонлар бизни фақат суюнтираётганини кўрамиз.

• Tarbiya