ФИФАда 14 февраль, сешанба куни онлайн-йиғилиш бўлиб ўтди. Унда қатор масалалар муҳокама қилинди.
Йиғилишда келтирилишича, ФИФА молиявий ҳисоботларни эълон қилди. Унга кўра, ташкилот 2019—2022 йиллар оралиғида рекорд даражада, 7,6 миллиард доллар даромад қилган.
Шунингдек, ФИФА 2023—2026 йиллар оралиғида даромадни 11 миллиард долларга етказишни мақсад қилгани айтилди.
Маълум қилинишича, Саудия Арабистони клублар ўртасидаги 2023 йилги Жаҳон чемпионатига мезбонлик қилади.
Мусобақа жорий йилнинг 12—22 декабрь кунлари ўтказилади. Унда амалдаги форматда бўлгани каби 7 та жамоа иштирок этади.
Шунингдек, онлайн-йиғилишда футбол бўйича клублар ўртасидаги Жаҳон чемпионатининг янгиланган форматига оид айрим тафсилотлар маълум қилинди.
Унга кўра, мусобақада 32 та клуб иштирок этади. Квоталар эса қуйидагича тақсимланади:
Европа — 12 та клуб
Жанубий Америка — 6
Осиё — 4
Африка — 4
Шимолий Америка — 4
Океания — 1
Мезбон жамоа — 1
Янги форматдаги мусобақанинг дастлабкиси 2025 йилнинг июнь-июль ойларида ўтказилади.
Шу билан бирга, ЖЧ—2026 мезбонлари Канада, Мексика ва АҚШга мундиал йўлланмаси тўғридан-тўғри берилгани боис Шимолий Америка минтақасига ажратилган квоталар сони 6 тадан учтага қисқаради.
ЖЧ—2030 мезбони номи 2024 йилнинг учинчи кварталида эълон қилинади. Мезбонликка ариза топшириш эса 2023 йилнинг июнига қадар давом этади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!