АҚШ, Германия, Англия, Канада, Франсия, Италия ва Япониядан иборат G7 ташкилоти Россияни Украинадан ўз қўшинларини зудлик билан олиб чиқиб кетишга чақирди. Бу ҳақда ташкилотга аъзо давлатларнинг раҳбарли имзолаган қўшма баёнотда сўз боради.
“Бу урушни Россия бошлади ва фақат Москава бу урушни тугатиши мумкин. Биз Россияни давом этаётган тажовузини тўхтатишга ва ўз қўшинларини Украинанинг халқаро миқёсда тан олинган барча ҳудудидан дарҳол, тўлиқ ва сўзсиз олиб чиқиб кетишга чақирамиз”, – дейилади баёнотда.
G7 га аъзо давлатлар раҳбарларининг ушбу баёнотларида Москванинг ҳар қандай кимёвий, биологик, радиологик ёки ядровий қуролни қўллаши жиддий оқибатларга олиб келишига урғу берилган.
Шунингдек, баёнотда Россиянинг янги СТАРТ келишувини амалга оширишни тўхтатиш қароридан чуқур афсусда эканликлари таъкидланган.
Маълумот учун, 24 февраль куни G7 давлат ва ҳукумат раҳбарларининг онлайн учрашуви бўлиб ўтди, унда Украина президенти Володимир Зеленский ҳам иштирок этган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!