34°
Кечаси 23°
Габон президенти Али Бонго Ондимбанинг ўғли ҳарбийлар ҳокимиятни қўлга киритганидан сўнг ҳибсга олинди. Бу ҳақда Agence France-Presse хабар берди.
“Президент Али Бонго уй қамоғида”, – дея қўшимча қилди агентлик давлат телевидениеси орқали кўрсатилган ҳарбий баёнотга таяниб.
Габон президенти Али Бонго Ондимба эса уй қамоғида, оила аъзолари ва шифокорлар қуршовида экани айтилган.
Бугун, 30 август куни эрталаб расмийлар Габоннинг амалдаги президенти Али Бонго Ондимба 64,2 фоиз овоз билан президентлик сайловларида ғалаба қозонганини маълум қилди. Мухолифат вакили академик Алберт Ондо Осса 30,7 фоиз овоз олган.
Шундан сўнг, ҳарбийлар телевидение орқали сайлов натижалари бекор қилингани ва ҳокимият институтлари тарқатиб юборилганини эълон қилди. Улар мамлакатдаги режимга барҳам беришларини эълон қилишди. Пойтахт Либревилда отишма янгради, исёнчилар “кейинги хабарга қадар” чегараларни ёпдилар.
Ҳарбийлар қайси сиёсий кучни қўллаб-қувватлаётгани ҳозирча аниқ эмас.
Улар мамлакатнинг халқаро ҳамжамият олдидаги мажбуриятларини бажаришга ваъда беришди. Габон ОPEK+ нефт экспорт қилувчи мамлакатлар аъзоси ҳисобланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
