Исроилнинг Ғазога уюштирган ҳужумлари оқибатида ҳалок бўлганлар сони охирги 24 соат ичида 38 кишига ортиб, 64 минг 756 нафарга етди.

Исроил армияси, фаластинликларни қочишга мажбур қилиш мақсадида Ғазо шаҳридаги турар-жой ва кўп қаватли биноларни нишонга олган ҳужумларини давом эттирмоқда.

Исроил қўшини Ғазо шаҳрининг ғарбидаги Абу Расас биносини нишонга олиб вайрон қилди ва шаҳарнинг шимоли-ғарбидаги Кераме туманидаги “Тоwер 5” деб номланган кўп қаватли бинонинг юқори қаватларини бомбардимон қилди.

Исроилнинг Ғазога уюштирган ҳужумлари оқибатида ҳалок бўлганлар сони охирги 24 соат ичида 38 кишига ортиб, 64 минг 756 нафарга етди.

“Чегара билмас шифокорлар”: Биз Ғазода тасаввур қилиш мумкин бўлган энг ёмон гуманитар ва тиббий вазиятга эришдик

Исроил босқин режасини бошлаганини ва Ғазодаги 360 нуқтага ҳужум уюштирганини эълон қилганди. Шунингдек, Исроил армияси Ғазо шаҳри ғарбидаги Наср маҳалласидаги кўп қаватли Айиш биносини бузиб ташлаган.

Гувоҳларнинг маълумотига кўра, Исроил шиддатли ҳужумлар билан Айиш биносини нишонга олган ва яқин атрофда жойлашган “Абу Дан” оиласига тегишли уйни ҳам вайрон қилган.

Ғазо шаҳрида Исроил армияси ҳужумдан олдин юзлаб кўчирилган фаластинликлар жойлашган бинолар учун кун давомида эвакуация қилиш ҳақида огоҳлантиришлар бериб, тинч аҳоли орасида ваҳима уйғотган.

Исроил фаластинликларни қочишга мажбур қилиш учун Ғазодаги биноларга ҳужум қилаётгани билдирилди.

 “Босқинчи кучлар Исроил Ғазо шаҳридаги турар-жойларни, айниқса тинч аҳоли зич яшайдиган ҳудудларни беқарорлаштиришга ҳаракат қилмоқда. Айрим уйлар ва турар-жойларни атайлаб бомбардимон қилмоқда, аҳолини улар яшаётган фожиали гуманитар шароитларга эътибор бермай, Ғазо секторининг марказий ва жанубий қисмларига қочишга мажбур қилмоқда”,–  дейилади хабарда.

• Фаластин
• Isroil
• Уруш