Непалда ижтимоий тармоқларнинг блокланиши ортидан намойишлар ўтказган “Ёш непалликлар” ҳаракати армия генерали билан келишган ҳолда, муваққат ҳукуматнинг янги бош вазирини тайинлади.

Президент қароргоҳида кучайтирилган тартибдаги қўриқлаш остида ўтказилган ва ўта махфий тарзда кечган фавқулодда йиғилишда Сушила Карки бош вазир этиб тайинланди ва ўша заҳотиёқ қасамёд қабул қилиб лавозимига киришди.

Эътиборли жиҳати Карки хоним Непал тарихида бош вазир лавозимини эгаллаган илк аёл сифатида тарихга кирди.

Шунингдек, энг қизиқ жиҳати шуки, ўзларини “ёш непалликлар” ҳаракати вакиллари деб атайдиган з-авлод армия генерали билан мамлакатни ким бошқаришини ҳал қилишдан аввал сунъий интеллект яъни ChatGPT орқали ким бош вазир лавозимига лойиқ деган сўров ўтказган. Кейинчалик эса, айнан ChatGPT хулосасига таянилиб, лавозимга Сушила Керки номзоди илгари сурилди.

• Бош вазир
• Жаҳон
• Намойиш
• Сиёсат