“Буюк Британия бош вазири Кир Стармер томонидан ташкил этилган Киев иттифоқдошларининг онлайн саммити давомида Лондон сулҳ тузилгандан сўнг ўз ҳарбийларини Украинага юборишга тайёр бўлган “жуда кўп” мамлакатларнинг қўллаб-қувватловига эга бўлди”, – дея хабар беради The Sunday Times.

Нашр суҳбатдошларидан бирининг сўзларига кўра, контингент сони 10 минг кишидан ошади, тинчликпарвар кучларнинг асосий қисми катта эҳтимоллик билан Буюк Британия ва Франциядан бўлади.

“Бундан ташқари, тахминан 35 мамлакат тинчликпарвар миссия доирасида қурол-яроғ, логистика ва разведка ёрдамини тақдим этишга тайёрлигини билдирди. Ушбу масаланинг батафсил муҳокамаси 20 март куни Лондонда, “Украинани қўллаб-қувватловчилар коалиция” мамлакатлари ҳарбий қўмондонлари учрашувида бўлиб ўтади”, – дея қўшимча қилди газета.

• Ҳарбий хизматчилар
• Россия
• Украина
• Европа