Исроилнинг собиқ бош вазири Нафтали Беннет Туркияга нисбатан чоралар кўришга чақирди. Бу ҳақда i24news хабар бермоқда.

Беннет Туркия президенти Ражаб Тоййиб Эрдўғанни “айёр ва хавфли рақиб”, деб атаб, уни Исроилни “ўраб олишга” интилаётганини таъкидлади. У Исроил расмийларини бу таҳдидга кўз юммасликка чақирган.

Собиқ бош вазирга кўра, Қатар ва Туркия “Мусулмон биродарлар” ҳаракати атрофида Эрон каби “қуролни” шакллантирмоқда. Беннет Туркиянинг Суриядаги фаоллиги ва Ғазодаги таъсири ҳақида ҳам гапириб, бу ҳолатни Исроил учун янги таҳдид сифатида баҳолаган.

Шунингдек, у Исроил бир вақтнинг ўзида Теҳрон томонидан келаётган таҳдид ва Анқара билан муносабатлардаги мураккабликларга қарши туриши кераклигини билдириб ўтган.

Туркия ушбу баёнотга расмий муносабат билдирмаган.

• Баёнот
• Бош вазир
• Эрдоған
• Isroil
• Туркия