Исроилнинг сулҳдан кейинги ҳужум стратегияси давом этмоқда. “Ал-Ақсо бўрони” операциясига жавобан ХАМАС қарши ҳаракатини йўқ қилиш мақсадида бераётган қақшатқич зарбалар фаластинлик оддий аҳолининг қирилиб кетишига олиб келиши мумкин. Бу ҳақда Фаластин Марказий Статистика Бюроси раҳбари Хосам Халифа якшанба куни берган интервьюсида маълум қилди. 

Унинг қўшимча қилишича, Исроилнинг Ғазога бераётган зарбалари оқибатида ҳудуддаги 400 минг турар жойдан 250 мингтаси қисман ёки тўлиқ вайрон бўлган.

Шунингдек, Исроилнинг геноцид уруши туфайли Ғазо секторига етказилган иқтисодий зарар октябрь ойида 700 миллион долларга етганини айтди.

ХАМАС исломий қаршилик ҳаракатининг матбуот бўлими якшанба куни Исроилнинг Ғазо секторига уюштирган зарбалари натижасида сўнгги 24 соат ичида 700 нафардан ортиқ тинч аҳоли ҳалок бўлганини маълум қилди.

Ғазо Соғлиқни сақлаш вазирлиги маълумотларига кўра, Исроилнинг қирғоқбўйи ҳудудларида қирғинбарот уруши бошланганидан бери 15,5 мингдан ортиқ фаластинлик ҳалок бўлган ва 41,300 дан ортиқ киши яраланган.

• Фаластин
• геноцид
• Isroil